Fl-aħħar episodju rajna lil Kurat ta’ Ars jipprova jitlaq minn hemm għax ħaseb li n-nies ma riedux magħhom. Iżda xħin in-nies indunaw x’kien ser jagħmel, folla kbira inġabret fil-pjazza biex ma jħalluhx jitlaq u lkoll wegħduh l-għajnuna tagħhom.

Meta ra din il-ħeġġa kollha tal-poplu imtelgħa b’iżjed ħeġġa u entużjażżmu minn qabel u beda jaħdem iżjed mal-poplu biex iwettaq il-proġetti li kellu f’moħħu. Bil-flus li ġabar u b’għajnuna li diversi irġiel rawh bena binja kbira għat-tagħlim b’mod speċjali għat-tfajliet, u b’hekk seta’ jagħtihom għajnuna mhux biss spiritwali iżda wkoll fil-ħtiġijiet ta’ ħajjithom. Għal kemm kellu diversi proġetti materjali, l-appostolat ma abbandunah qatt. Anzi iżjed ma għadda iż-żmien aktar beda isir magħruf min-nies ta’ irħula oħra u bdew imorru għal pariri għandu b’mod speċjali fis-sagramnet tar-rikonċiljazzjoni (qrar). Il-konfessjunarju ta’ dan il-kappillan qaddis beda jiġbed numru bla għadd ta’ midinbin li kienu jersqu għal-konverżjoni. Huwa kien idum iqarar is-sigħat bla waqfien.

Wieħed professor imsemmi ipprova jwaqqgħu għaċ-ċajt iżda l-Kurat bl-għajnuna ta’ Alla għenu jagħraf sewwa lilu nniffsu. Meta għaraf l-istat ħażin tiegħu l-professur Maissant mhux biss talab maħfra iżda niżel għarkupptejh u mimli umilta’ beda jitlob u bidel ħajtu. Mhux biss konverżjonijiet saru f’riġlejn San Ġwannmari Vianney iżda ukoll ħafna mirakli li ġagħlu lil ħafna ibiddlu ħajjithom u jikkonvertu billi jersqu aktar lejn Alla u t-tagħlim tiegħu.

Qegħdin fi żmien meta x-xjenza u t-teknoloġija qegħdin jagħmlu passi ta’ ġgant. Ikun xieraq li nagħtu ħarsa nisranija lejn dawn il-mezzi.

Ix-xjenza turina l-kobor ta’ Alla. Turina kif jaħdem aktar eżatt l-univers u l-bniedem. Iżda jista’ jiġri li lil xi wħud ix-xjenza ttellfilhom il-fidi. Dan jiġri meta jħarsu lejn l-univers u l-bniedem b’mod materjalistiku. Jibdew jaraw liġijiet fissi u li jaħdmu mingħajr l-intervent ta’ Alla.

Tajjeb li nifhmu li x-xjenza tiddeskrivi l-ħolqien u tkun toħroġ mill-kamp tagħha meta tipprova tgħid li kollox inħalaq waħdu. Jista’ jkun ukoll li l-poplu kien ifittex soluzzjoni reliġjuża għal problemi mediċi. Nispjega aktar. Fi żmien meta ma kienx hawn mediċini, waqt il-mard jew epidemiji, il-poplu kien jirrikorri għand Alla. Illum jirrikorri għand it-tobba għal xi marda jew għall-mezzi sanitarji f’każ ta’ epidemija.

Niftakru li x-xjenza hija frott tal-istudju u l-ħila tal-bniedem. Biex għandna x-xjenza tal-lum, min jaf kemm studjużi ddedikaw ħajjithom biex jistudjaw. Dan kollu jurina l-għerf li Alla ta lill-bniedem.

Huwa fil-pjan ta’ Alla li l-bniedem jistudja u jaħdem biex iġib id-dinja ‘l quddiem. Qegħdin fil-bidu ta’ sena skolastika oħra. Għalhekk nistedinkom biex tħeġġu lil uliedkom biex jieħdu l-istudju bis-serjetà. B’dan il-mod ikunu qegħdin jitgħallmu huma u ‘l quddiem, b’dak li jafu, ikunu ta’ servizz għall-oħrajn.

Meta nsemmu l-istudju ma nistgħux ninsew it-tagħlim dwar Alla. Żgur li t-tfal u l-istudenti kollha ma jiffurmawx ruħhom jekk ma jsirux jafu u jħobbu aktar lil Alla. Għalhekk inħeġġeġ lill-ġenituri biex jaraw li uliedhom jitilgħu b’karattru reliġjuż sod u li Alla jkun iċ-ċentru ta’ ħajjithom.

Taize’ huwa post fi Franza fejn mijiet ta’ eluf ta’ żgħażagħ u adulti jiġu kull sena biex jitolbu u jaħdmu għall-paċi, rikonċiljazzjoni u fiduċja fid-dinja tagħna.

Il-fundatur ta Taize’ hu Brother Roger mill-Isvizzera. Hu jgħid li l-eżempju ta’ nanntu, armla minn Franza, li fl-Ewwel Gwerra Dinjiji kienet tilqa’ f’darha refuġjati tal-gwerra u dan b’sogru għal ħajjitha stess, ħalla impatt kbir fuq ħajjtu. Ma kienitx tiflaħ tara l-Insara jiġġieldu bejniethom u joqtlu lil xulxin. Kien hemm bżonn urġenti li jingħaqdu bejniethom ħalli jevitaw gwerra oħra. Hi kienet Protestanta imma biex tibda r-rikonċiljazzjoni fiha stess bdiet tmur titlob fi knisja tal-Kattoliċi.

Fl-1940, meta kellu 25sena, Roger telaq minn pajjiżu u mexa lejn Franza u għażel lir-raħal żigħir ta’ taize’ fejn kera dar żghira u tlett darbiet kuljum kien imur jitlob bill-kant fill-kappella żgħira tar-raħal. Dam sentejn waħdu imbagħad bdew jingħaqdu miegħu Brothers oħra. Għalhekk beda l-komunita ta’ Brothers ta’ Taize’ li jgħixu ħajja sempliċi, ċelebi u komuni billi jaqilgħu l-għixien tagħhom mill-ħidma ta’ idejhom. Kuljum jiġu fil-knisja li llum tesa’ mas-sitt t’elef ruħ, u joqgħodu jitolbu bil-kant famuż ta’ Taize’ qalb in-nies.

Interessanti l-fatt li l-maġġoranza tan-nies ikunu żgħażagħ li jidħlu jitolbu flimkien, tlett darbiet kuljum u ġieli l-knisja tkun mimlija! U dan is-sena kollha. U hawn jiġu u jitolbu u jgħixu flimkien Insara differenti, anke l-Brothers huma Protestanti u kattoliċi.

Brother Roger spiċċa maqtul b’daqqiet ta’ sikkina fil-knisja minn mara Rumena pero dan il-qaddis wera lid-dinja li kapaċi ninghaqdu u ngħixu flimkien fil-paċi, hi x’inhi r-reliġjon tagħna, basta naħfru, nafdaw u inħobbu.

Fl-1924, żewġ persuni, li kienu jiffurmaw parti minn grupp akbar telqu fuq avventura bil-għan li jitilgħu fuq Mount Everest. Iżda l-pjan fallielhom; l-elementi kienu għelbuhom tant li spiċċaw qatt ma rritornaw lura.

Wara dik it-traġedja, l-kumplament tal-grupp iddeċidew li jirtiraw mill-avventura. Iżda kif kien mistenni taw konferenza f’Londra dwar dak li ltaqgħu miegħu. F’ħin minnhom, waqt il-konferenza, waqt li dar iħares lejn ritratt kbir tal-muntanja Everest li kien fl-isfond, il-kelliem b’vuċi soda instema’ jgħid:

“Everest, pruvajna għal darba darbtejn, iżda int kont setgħana wisq għalina. Imma, Everest, irridek tkun taf li għad nakkwistawk, għax waqt int ma tistax tikber iżjed waqt li aħna iva!”

U tassew. Il-prova jgħinuna nissaħħu iktar!

Ġuvnott applika għal xogħol f’razzett kbir. Meta sid ir-razzett staqsieh għal xi kwalifiċi, dan b’mod konvinċenti qallu, “Jien kapaċi norqod meta jqumu l-irwiefen.” Din it-tweġiba ħasdet lill-bidwi imma peress li kien ħa grazzja mal-karattru tal-ġuvnott iddeċieda li jimpjegah xorta waħda.

Ftit ġranet wara, f’nofs ta’ lejl, maltempata qawwija qajmet lil bidwi u lil martu. Ħarġu barra sabiex jaraw li kollox kienx sew. Sabu li t-twieqi u l-bibien tar-razzett kienu mirfudin kif suppost. Sabu wkoll ammont konsiderevoli ta’ zkuk ħdejn il-fireplace. L-għodda kienu miġbura u l-imħaret kienu miġbura fil-garaxx. Il-maqjel kien maħgluq kif suppost. Anke l-annimali kienu kalmi. Fuq kollox sabu li l-ġuvnott kien rieqed fil-fond.

Kien hawn li l-bidwi fehem x’ried jgħid biha dak il-ġuvnott meta qallu:”Jien kapaċi norqod meta jqumu l-irwiefen.” Kien ippreparat!

Kantant li kien għadu fil-bidu tal-karriera tiegħu kien jistudja taħt għalliema stretta li kienet tinsisti li jipprattika ġurnata wara ġurnata, xahar wara xahar l-istess silta mingħajr ma jipprova xi ħaġa oħra. Fl-aħħar imxebba’ u frustrat sal-ponta ta’ mnieħru dan il-kantant iddeċieda li jfittex għalliem ieħor.

Lejl fost l-oħrajn, waqaf f’lukanda fejn kien hemm kompetizzjoni tal-kant. Idde1ieda li jieħu sehem u bla dubju ta’ xejn kanta l-unika silta li kien jaf tajjeb ħafna. Meta spiċċa, dak inkarigat mill-kuntest tal-kant faħħru mhux ftit. Ma ridx jemmen li dan kien għ]adu kantant li beda l-karriera tiegħu ftit xhur qabel. “Għidli, għidli min hu l-għalliem tiegħek? Żgur li hu professjonist mill-aqwa.” Dan l-istudent wara sar il-magħruf Koshiji.

Imberkin dawk li huma imħabbtin iżżejjed u ma għandhomx ċans biex jipparteċipaw ma ħutu l-insara kull nhar ta’ Ħadd.
Qlubhom ma humiex fihom.

Imberkin l-Insara li jfittxu li jirċievu r-radd il-ħajr.
Nista’ nużahom.

Imberking dawk li jieħdu għalihom maljar.
Bi ftit xorti tajba, malajr jieqfu jattendu l-knisja.

Imberkin dawn li jgħidu li jħobbu lil Alla waqt li jobogħdu lill-proxxmu.
Dawn tiegħi għal dejjem.

Imberkin dawk li jaqilgħu l-inkwiet.
Dawn jissejħu wliedi.

Imberkin dawk li ma għandhomx ħin jitolbu..
Dawn malajr jidhlu fix-xibka tiegħi.

Imbierek int meta taqra dawn u taħseb li tgħodd għall-oħrajn u mhux għalik.
Inkun akkwistajtek.

Il-frotta bnina tat-tamla (jew tamra) tiġi mis-siġra tal-palm. Anke f’pajjiżna ġieli li tagħmel il-frott. Din hi siġra li tikber ħafna fl-Afrika ta’ fuq u fil-Llvant nofsani u tiflaħ ħafna għax-xemx, nixfa u rjiħat. Għalhekk tikber ħafna fid-desert speċjalment fejn hemm xi Oasi bħal ma hi l-belt antika ta’ Ġeriko li kienet tissejjaħ ukoll belt il-palm.

Il-kultivazzjoni tal-palm żdiedet sew fi żmien ir-re Erodi. Anke l-ħafna ismijiet ta’ bliet u postijiet ta’ ‘Tamar’ juru li din is-siġra kienet abbuntanti. Is-siġra għolja u qawwija tal-palm dejjem affaxxinat lil-poplu Lhudi tant li daħlet ukoll fil-kultura tagħhom. Fil-festa tal-Għarajjex kienu jużaw il-weraq tal-palm fiċ-ċelebrazzjonijiet tegħhom. Għal bniedem ġust kienu jgħidu “bħal palma jħaddar” (salm 92, 13). Anke l-għarusa kienet imxebbħa ma’ palma u sidirha mal-għenieqed tat-tamal (Għanja tal-Għanjiet 7,8 “fis-sura għolja tiegħek qisek palma, sdierek l-għenieqed tagħha”). Anke l-werq tagħha daħal bħala sibolu tar-rebħa bit-tixjir tiegħu bħal meta intuża meta Ġesu’ kien dieħel Ġerusalemm u anke għar-rebħa finali tat-tajbin fid-dħul tagħhom f’Ġerusalemm tas-sema (Apok. 7,9). Illum tintuża ukoll bħala s-simbolu tal-martri.

M’għandniex xi ngħidu li l-frotta bnina u abbundanti tat-tamar kienet tittiekel ħafna minn dan il-poplu nomadu li kellu ħeffa speċjali kif jixxabbat maz-zokk tal-palma ħalli jiġbor frottha. Hi frotta nuttrittiva ħafna u kapaċI sservi ħafna u għalhekk kienet tinħażen f’kaxex biex tittiekol iktar l’quddiem jew biex tinbiegħ. Kienet ukoll issir mediċina minnha sa minn żmien imbiegħed tajba għall-istonku w tintuża ukoll bħala porga minnħabba l-ħafna fibra li fiha.

Fit-28 ta’ Ottubru nfakkru l-500 sena (1510) mit-twelid ta’ San Franġisk Borgia. Patri Ġiżwita.

It-2 ta’ Ottubru jaħbat il-75 sena (1935) mit-twelid ta’ Omar Sivori. Plajer tal-futbol Arġentin imma li lagħab ukoll għal-Italja, fejn qatta’ xi żmien jilgħab ma’ klabbs Taljani fosthom Juventus u Napoli.

Jaħbat ukoll il-75 sena mit-twelid ta’ Luciano Pavarotti, Tenur Taljan, eżattament fit-12 ta’ Ottubru 1935.

F’dan ix-xahar infakkru l-50 sena minn meta Sir Michael Woodruff fit-30 ta’ Ottubru 1960 għamel l-ewwel operazzjoni ta’ transplant tal-kliewi ġewwa l-Edinburgh Royal Infirmary.

Grazzi

Lil dawk li b’xi mod jew ieħor ngħinuna fil-BBQ li organizzajna fil-museum fil-17 ta’ Settembru. B’mod speċjali nirringrazzjaw lil Robert li tana d-drinks kolha b’xejn u lin-nies l-oħra li ħallsu għal xi spejjeż li kellna waqt il-BBQ.

Infakkru

• Il-Klassijiet tal-year 4, 5 u 6, it-Tlieta u l-Ġimgħa fil-5:15pm sal-5:55pm jkollha l-Lezzjoni.

• Tal-Preparatorja (Form 1), it-Tlieta u l-Ġimgħa fil-5:15pm sal-5:55pm jkollha l-Lezzjoni. It-Tnejn, il-Ħamis u s-Sibt ikollhom il-Lezzjoni fis-7:00pm sas-7:30pm

• Magħżulin u Aspiranti (Form 2, 3, 4, u 5), mit-Tnejn sas-Sibt barra l-Erbgħa, l-Lezzjoni tkun fis-7:00pm sas-7:30pm.

• Il-Ħadd filgħodu bejn 9:30am u 10:00am għal kulħadd u waranofsinhar fit-Tlieta lezzjoni u wara Passiġġata (mill-Preparatorja ‘l fuq).

Pubblikazzjoni

Inħabbru li għadu kemm ġie mniedi l-ktieb ‘Nixxiegħa ta’ Stejjer’, li huwa ġabra tal-istejjer li kienu dehru fil-paġni tan-nofs tal-fuljet, ‘Nixxiegħa ta’ sliem bejnietna’. Kulmin jixtieq jixtri kopja jista’ jagħmel dan jew mill-Librerija Preca jew mill-Museum Għajnsielem.

• Il-medja ta’ xita madwar id-dinja kull sena hija ta’ 40 pulzier.

• Aktar minn 270 kilo ta’ chewing gum tneħħew minn mall-istatwa tal-Liberta fl-Amerika meta rrestawrawha.

• Il-ġilda tat-tigri hija wkoll bil-faxxi mhux il-fur biss.

  
  

Omm: Ħadt gost fl-ewwel jum tal-iskola?

Bintha: L-ewwel Jum? Tgħidlix li se jkolli nerġa’ mmur għada wkoll!